នាយករដ្ឋមន្ត្រីសង្កេតឃើញបញ្ហាទាក់ទិននឹងការហែភ្លើងគប់ជាការរៀបចំបានល្អនិងការចូលរួមពីពលរដ្ឋដល់ការរៀបចំស្លាយសម្រាប់ទស្សនាធ្វើដល់វត្ត
នាយករដ្ឋមន្ត្រីថាការរៀបចំស៊ីហ្គេមរបស់កម្ពុជាមិនមែនដើម្បីលុយទេ
ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងថាការរៀបចំស៊ីហ្គេមរបស់កម្ពុជាមិនមែនដើម្បីលុយនោះទេ តែជាការបង្ហាញកម្ពុជាពិតទៅកាន់ពិភពលោក។
ថ្លែងក្នុងជំនួបជាមួយអត្តពលិកស៊ីហ្គេមរបស់កម្ពុជានៅវិមានសន្ដិភាព រសៀលថ្ងៃទី១ ខែឧសភា ឆ្នាំ២០២៣ សម្ដេចតេជោ ហ៊ុន សែន បានថ្លែងថាការបង្កើតប្រវត្តិសាស្ត្រមិនយកលុយ និងចែកសំបុត្រឥតគិតថ្លៃដល់ការទស្សនាស៊ីហ្គេមគឺសម្ដេចចង់បង្ហាញពីការពិតរបស់កម្ពុជាធ្វើយ៉ាងណាឱ្យគេបានស្គាល់កម្ពុជាកាន់តែច្រើន។
សម្ដេចថា៖ «ចង់បើកឱកាសសម្រាប់ប្រទេសនានាចូលមកស្គាល់កម្ពុជាថាវាយ៉ាងមិច? បង្ហាញពីកម្ពុជាពិតទៅដល់បរទេស។ […] សំខាន់បំផុតឱ្យគេស្គាល់កម្ពុជាដើម្បីបង្កើតនូវរូបភាពអនុគ្រោះមួយដល់កម្ពុជា»។
សម្ដេចតេជោបានថ្លែងថា ប្រទេសមួយចំនួនបានស្គាល់កម្ពុជាដោយអង្ករ មួយចំនួនទៀតបានស្គាល់ដោយផលិតផល និងប្រទេសមួយចំនួនទៀតបានស្គាល់កម្ពុជាដោយស៊ីហ្គេមនេះ ដែលជាមោទនភាពរបស់ប្រទេសកម្ពុជា៕
